ਪਿੰਡ ਰਾਮੂਵਾਲਾ (ਡੇਲਿਆਂਵਾਲੀ) ਵਿਖੇ ਕਬੱਡੀ ਖਿਡਾਰੀ ਸੁਖਬੀਰ ਸਿੰਘ ਸਰਾਵਾਂ ਦਾ ਸਨਮਾਨ ਕਰਦੇ ਹੋਏ ਪਰਗਟ ਸਿੰਘ ਜ਼ੈਲਦਾਰ ਅਤੇ ਕਬੱਡੀ ਪ੍ਰੇਮੀ ਨੌਜਵਾਨ।
ਕਬੱਡੀ ਦੇ ਕੌਮਾਂਤਰੀ ਖਿਡਾਰੀ ਅਤੇ ਵਿਸ਼ਵ ਕੱਪ ਕਬੱਡੀ ਵਿਚ ਨਾਮਣਾ ਖੱਟਣ ਵਾਲੇ ਭਾਰਤੀ ਟੀਮ ਦੇ ਰੇਡਰ ਸੁਖਬੀਰ ਸਿੰਘ ਸਰਾਵਾਂ ਦੇ ਸਨਮਾਨ ਵਿਚ ਇਥੋਂ ਨੇੜਲੇ ਪਿੰਡ ਰਾਮੂਵਾਲਾ (ਡੇਲਿਆਂਵਾਲੀ) ਵਿਖੇ ਕਬੱਡੀ ਪ੍ਰੇਮੀਆਂ ਵੱਲੋਂ ਸਮਾਗਮ ਕਰਵਾਇਆ ਗਿਆ। ਪਿੰਡ ਦੇ ਆਗੂ ਪਰਗਟ ਸਿੰਘ ਜ਼ੈਲਦਾਰ ਦੇ ਨਿਵਾਸ ਸਥਾਨ ਤੇ ਹੋਏ ਇਸ ਸੰਖੇਪ ਸਮਾਰੋਹ ਵਿਚ ਸੁਖਬੀਰ ਸਿੰਘ ਸਰਾਵਾਂ ਦੇ ਪੁੱਜਣ ਤੇ ਨੌਜਵਾਨਾਂ ਨੇ ਉਸ ਦਾ ਹਾਰਦਿਕ ਸਵਾਗਤ ਕੀਤਾ। ਇਸ ਮੌਕੇ ਸੁਖਬੀਰ ਨੂੰ ਨੌਜਵਾਨਾਂ ਵੱਲੋਂ 5100 ਰੁਪਏ ਨਕਦ ਅਤੇ ਇਕ ਯਾਦਗਾਰੀ ਟਰਾਫੀ ਪ੍ਰਦਾਨ ਕੀਤੀ ਗਈ ਅਤੇ ਇਹ ਰਕਮ ਤੇ ਟਰਾਫੀ ਭੇਟ ਕਰਨ ਦੀ ਰਸਮ ਪਰਗਟ ਸਿੰਘ ਜ਼ੈਲਦਾਰ, ਹਰਪ੍ਰੀਤ ਸਿੰਘ ਬਰਾੜ ਹੈਪਾ, ਸਾਬਕਾ ਪੰਚ ਕਾਲਾ ਸਿੰਘ ਨੇ ਕੀਤੀ। ਸੁਖਬੀਰ ਸਰਾਵਾਂ ਨੇ ਇਸ ਮਾਣ ਲਈ ਪਿੰਡ ਦੇ ਨੌਜਵਾਨਾਂ ਦਾ ਧੰਨਵਾਦ ਕੀਤਾ ਅਤੇ ਕਿਹਾ ਕਿ ਉਹ ਮਾਂ ਖੇਡ ਕਬੱਡੀ ਦੀ ਬੁਲੰਦਗੀ ਲਈ ਹਰ ਪਲ ਯਤਨਸ਼ੀਲ ਰਹੇਗਾ। ਇਸ ਸਮਾਗਮ ਵਿਚ ਡਾ. ਹਰਪਾਲ ਸਿੰਘ ਰਾਜਾ, ਗੁਰਦੀਪ ਸਿੰਘ ਬਰਾੜ, ਗੁਰਪ੍ਰੀਤ ਸਿੰਘ, ਰਾਜਦੀਪ , ਲੱਡੂ, ਖੁਸ਼ ਬਰਾੜ, ਕਬੱਡੀ ਖਿਡਾਰੀ ਮਨਪ੍ਰੀਤ ਸਿੰਘ ਬਰਾੜ, ਸੇਵਕ ਬਰਾੜ, ਪਿੰਦਾ, ਬਿੰਦਰ ਬਰਾੜ, ਮਨੀ ਬਰਾੜ, ਸੇਵਕ ਸਿੰਘ ਸਰਾਵਾਂ, ਐਸ. ਓ. ਆਈ.ਦੇ ਪ੍ਰਧਾਨ ਸੱਤਾ ਅਤੇ ਕਈ ਹੋਰ ਨੌਜਵਾਨ ਸ਼ਾਮਲ ਹੋਏ।
No comments:
Post a Comment